قلــب الوطــــن

قلب الوطن مجروح .. لا يحتمل اكتر

عــــلــــى الحــــجار – فى قلـــب اللــــيل .. 1986


مين فينا مبيحبش يرجع يسمع اغانى التمانينيات !!؟
.. فترة ظهور فنانيين اثروا بشكل كبير على الشكل الغنائى فى مصر .. بداية بعمرو و ايهاب توفيق
و من قبليهم منير و الفنان اللى معايا انهاردة ..

على الحجــــــار

 

فنان بكل ما تحمل الكلمة من معنى و واحد من الاشخاص اللى قدموا الفن .. للفن فى حد ذاته

و النهاردة حبيت اشارككم واحدة من أروع اعماله .. و يمكن كمان واحدة من اجمل الاعمال الفنية اللى اتقدمت فى الفترة دى عموما ..

.
.

فــى قــلــب الــلــيـــل

من ألبوم ( فى قلب الليل )
الصادر سنة 1986

كلمات : عصام عبد الله
ألحان و توزيع القدير : مودى الأمام

.
.

كـــلمــات الاغــنيــة ..

في قلب الليل
و عزف الصمت متهادي
كموج النيل
في قلب الليل
وبرد الخوف بيتكتك سنان الخيل
وما في حد في الشارع
سوى مهر اتربط جازع
وشجرة صنت
وأنا…والصمت
وبرد الليل
وخوف الليل

وصهل المهر لم أفهم
أخوف مني أم إتعاجب
سألت المهر لم يفهم
كلام مني و لا جاوب

وكان في عينيه
بريق مني
كأنه كان بيسألني

وقفت أنظر له ينظرلي
وأنظر له و ينظرلي
ولما صار كما خلي
فتحنا ابواب حكاوينا
وتهنا في أغانينا
في برد الليل
وخوف الليل
و حزن الليل

وكان في جيده قيد جارحه
وقيد في جيدي ما لمحه
لكن حسه
أكيد حسه

وفجأة لقيناأحلامنا
وصهل الفجر في عيوننا
مسكت قيوده فكيتها
صهل بمعاني…حسيتها
وصار يجري
و ينساني
و صار يجري و ينساني
وأنا بجري
في طريق تاني
في برد الليل
وخوف الليل
وحزن الليل

وبعد كتير..في ليل تاني
لقيته لوحده من تاني
في جيده يقيده قيد تاني
صهل تاني
ماردتشي!
وباقي لوحدي انا بامشي
في برد الليل
و خوف الليل
و حزن الليل

 

فكرت كتير فى اللى حكتبه فى وصف الاغنية بس لقيت فى مدونة احد محبى الشاعر عصام عبد الله .. اللى مقدرتش اقوله

.
.

فى قلب الليل اسم الاغنيه الاشهر فى تاريخ عصام عبد الله وايضا تاريخ على الحجار 

وحكى لى صديق مقرب من عصام على ان فى قلب الليل اغنيه حقيقيه حدثت احداثها مع عصام وطبعا هو عبر بطريقته عن الموقف
واستبدل الفتاه صاحبة الموقف بفكرة المهر التائه وكلمات الاغنيه كتبها
عصام باحساسه ومشاعره بعيدا عن الحرفيه والصنعه
اما العامل التانى فى نجاح العمل فكان موسيقى ولحن وتوزيع مودى الامام
رفيق درب عصام
وانا بعتبر هذا العمل من اروع ما قدمته الاغنيه الحديثه من السبعينيات الى الان


Watch YouTube

Download

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: