قلــب الوطــــن

قلب الوطن مجروح .. لا يحتمل اكتر

دعــــوة

بعد كمية النوتـات اللى شوفناهــا الفترة اللى فاتت على الفيس .. و بعد كمية الاراء السياسية المذهلة اللى بقينــا بنسمعهــا و اللى حلت محل النكت
حبيت اقولكم على حاجة و ادعوكم لـ حاجة ممكن تفيد بلدنــا اكتر من كلامكوا فى السياسة و تحليلاتكم الخزعبلية عن احداث الثورة فى مصر

دعـــوة ..

لكل شخص لم يكن يتحدث فـ مواضيع الحياة السياسية فى مصر و العالم و لم يمتلك خلفية سياسية او اى انتماء سياسى قبل الثورة :

رجاء التزم باللى كنت بتعمله قبل الثورة .. و مالكش دعوة بوجع الدماغ بتاع السياسة .. الحاجات دى مش بتاعتك يا معلم


ســاندى .. الرمز الجديد للساحل عند الشباب
يا دين امى .. ايه الاسد ده !!!!!!!!ء

فـ يــا شباب

ارجعوا اسمعولكم اغنيتين هايفين على كام كليب عريان من اللى بيجوا على كل القنوات بيقولوا فى عيل جديد اسمه كريم محسن .. صوته تافه اخر 24 ساعـــة
و اعملوا العادى بتاعكم .. يعنى اتخانقوا مين احسن عمرو ولا تامر
فاللى بيسمع عمرو يروح يحضر حفلة عمرو فى مارينــا و حطه صورته على الفيس عنده .. و اللى بيسمع تامر .. ينزل يحضر حفلات تامر اللى بقت اكتر من اعلانات التليفزيون و ينزل معاه بوستر عليه جملة (كلنــا بنحبك يا تيمو) .. بتجيب دى مع تامر

اما شبابنــا الرياضى ابو روح رياضية ملهاش مثيل فى العالم (حتى اسالو التؤام) .. فــ اللى بيحب الكورة بقى يرجع بقى يخليه فى الاهلى و الزمالك .. و يا ترى مين احسن (شيكا ولا ابو تريكة) !!؟ و الحكام الظلمة اللى بيدوا الدورى للاهلى كل سنة .. و الاتحاد السكندرى اللى نزل درجة تانية

ولا اقولك !!
ما تاخد صحابك كده و تنزل تخش سينما و دورلك على فيلم تضحك فيه شوية او روح معاهم على كافية نضيف كوستا ولا روسترى  .. ولا اقولك بقى على اللى اجمد .. ما تروح الساحل !!
انزل بالعربية مع صحابك على مارينا و عيش صيفك هناك يا عم .. و شوفلك بنوتة حلوة كده و ظبطهــا و اعمل هاوس بارتى و اعزمهــا و ….. (انت عارف الباقى اكيد)

اما البنات

فـ ارجعى اققفشى على الواد بتاعك و اعملى نفسك زعلانة منه .. لحد ما يصالحك (كالعادة) بعد مكاملة تليفون لا تقل عن 6 ساعات  .. او انزلى مع صحباتك اعملوا شوبينج فى سيتى ستارز ولا كارفور و اتصورا مع بعض و حطوا الصور على الفيس و انتوا مدينا البوز اياه ..
اعملى شير لكام فيديو من على اليوتيوب لاغانى تامر و هيثم و نانسى و اليســا و شيرين .. و لما واحد يضحك عليكى و يقولك “ابعتى دى (….) ل7 اشخاص لو بعتيهــا هـتبقى شبه ميجان فوكس و لو مبعتهومش احتمال تتقلبى خروف” .. ابعتى بسرعة لكل صحباتك علشان تنالى الاجر و الثواب
او انزلى مارينا زى الشاب المحترم اللى فوق .. و اتعبى اهالينــا بالهوت شورت و الكات و الـكاش مايوه و (اللى بالى بالك) .. عيشى حياتك و احلقى لصاحبك و اعرفى عيل جديد قطوط كده و مشعنن .. ده صيف و مثلما قال الشاعر : فى الصيف لازم نحب

بس علشان خاطر مصر اولا قبل خاطر اى حد تانى  .. ملكوش دعوة بالسياسة و اللى فيهــا .. خليكوا فى الحاجات اللى بتفهموا فيهــا و اللى اتعودتو عليهــا طول عمركم السياسة ليها ناسهــا اللى ادرى بيهــا اكتر منك الف مرة
رايك يخص .. فخليه لنفسك و متحاولش تفتى فى حاجة انت عمرك ما عرفتهــا ولا قريت عنهــا  و مش علشان قريت مقالة ولا اتنين على كام فيديو و نزلت قدام بيتك بشومة يبقى انت كده محلل سياسى
انت برايـــك ده بتفكرنــا بـ لاعب الكورة اللى يدوبك بيعرف يفك الخط و عايز يتكلم عن الفيزيــا النوويــة.

3 responses to “دعــــوة

  1. Sameh February 9, 2012 at 10:10 pm

    I liked it (especially the first part and I copy it to my FB page.

  2. Hossam Hassan Omran February 10, 2012 at 5:22 pm

    u r welcome .. and feel free to share it😉

  3. omar June 29, 2013 at 7:13 pm

    nta gabt meen l a5er l sar7a (y)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: